ঘৰৰ অশুভ প্ৰভাৱ দূৰ কৰা নতুন বছৰত বাস্তুশাস্ত্ৰৰ কিটিপ
(লিখক : অপূৰ্ব দাস )
নতুন বছৰে নতুন আৰম্ভণি, নতুন আশা, আৰু ইতিবাচক পৰিৱৰ্তন আনে। কিন্তু যদি আপোনাৰ ঘৰত বাস্তু দোষ বা নেতিবাচক শক্তি থাকে তেন্তে ই আপোনাৰ সুখ, স্বাস্থ্য আৰু আৰ্থিক অৱস্থাত নেতিবাচক প্ৰভাৱ পেলাব পাৰে। বাস্তু শাস্ত্ৰৰ মতে কিছুমান সহজ ব্যৱস্থাই আপোনাৰ ঘৰৰ পৰা অশুভ প্ৰভাৱ আঁতৰাই নতুন বছৰক ইতিবাচক শক্তিৰে আদৰি লোৱাত সহায় কৰিব পাৰে। নতুন বছৰৰ বাবে এই বাস্তু প্ৰতিকাৰসমূহ বিতংভাৱে তলত উল্লেখ কৰা হ'ল-
(১) নৱবৰ্ষৰ আগত নিজৰ ঘৰখন ভালদৰে পৰিষ্কাৰ কৰক।
নিজৰ ঘৰখন পৰিষ্কাৰ কৰাটো কেৱল শাৰীৰিক ব্যায়াম নহয়, মানসিক আৰু শক্তিশালী শুদ্ধিকৰণো। মলি আৰু আৱৰ্জনাবোৰে ঋণাত্মক শক্তিক আকৰ্ষণ কৰে।
🟢 বাস্তুৰ প্ৰতিকাৰ:
• ভঙা বাচন-বৰ্তন, ক্ষতিগ্ৰস্ত ইলেক্ট্ৰনিকছ আৰু অব্যৱহৃত বস্তু আঁতৰাই পেলাওক।
• গোটেই ঘৰটো নিমখীয়া পানীৰে মচি পেলাওক।
• প্ৰতিটো কোঠাত খিড়িকীৰে সূৰ্যৰ পোহৰ আৰু শুদ্ধ বতাহ প্ৰৱেশ কৰিবলৈ দিব।
(২) মূল দুৱাৰখন শুভ আৰু আকৰ্ষণীয় কৰি তোলক
বাস্তু শাস্ত্ৰত মূল দুৱাৰখন শক্তিৰ দুৱাৰ হিচাপে গণ্য কৰা হয়। ইয়াৰ দ্বাৰাই ধনাত্মক বা ঋণাত্মক শক্তি ঘৰত প্ৰৱেশ কৰে।
🟢 বাস্তুৰ প্ৰতিকাৰ:
• দুৱাৰৰ সন্মুখত জোতা, আৱৰ্জনা পেলনীয়া বা দুৱাৰৰ আগত বস্তু ৰাখিব নালাগে।
• মূল দুৱাৰত স্বস্তিকা, ওম বা শুভ চিহ্ন অংকন কৰক।
• নৱবৰ্ষৰ দিনা আম বা অশোকপাতৰ মালা ওলোমাই দিব।
• সন্ধিয়া পূফালৰ দুৱাৰৰ কাষত এটা বন্তি জ্বলাব।
(৩) ঘৰৰ উত্তৰ-পূব কোণটো পবিত্ৰ আৰু পোহৰ কৰি ৰাখক।
উত্তৰ-পূব কোণ বা উত্তৰ-পূব দিশটোক আটাইতকৈ পবিত্ৰ বুলি গণ্য কৰা হয়। ইয়াৰ দোষৰ বাবে মানসিক চাপ আৰু আৰ্থিক বাধাৰ সৃষ্টি হয়।
🟢 বাস্তুৰ প্ৰতিকাৰ:
• এই চুকত গধুৰ আচবাব বা আৱৰ্জনা ৰাখিব নালাগে।
• পূজাস্থলীৰ বাবে এই দিশটোৱেই উত্তম।
• নৱবৰ্ষৰ দিনা ইয়াত ধূপ বা বন্তি জ্বলাব।
(৪) নিমখ আৰু কৰ্পূৰৰ সহায়ত নেতিবাচকতা আঁতৰাই পেলাওক
বাস্তুত নিমখ আৰু কৰ্পূৰে ঋণাত্মক শক্তি দূৰ কৰে বুলি ধৰা হয়।
🟢 বাস্তুৰ প্ৰতিকাৰ:
• প্ৰতিটো কোঠাত এটা বাতিত হৈন্ধৱ নিমখ ৰাখক, সাপ্তাহত সলনি কৰক।
• প্ৰতিদিনে সন্ধিয়া কৰ্পূৰ জ্বলাই ঘৰত ঘূৰাব লাগে।
• নৱবৰ্ষৰ দিনা কৰ্পূৰ আৰু লৱণ জ্বলোৱাটো বিশেষভাৱে শুভ বুলি গণ্য কৰা হয়।
• ঘৰলৈ নতুন ঝাড়ু কিনি আনক। পুৰণি ঝাড়ুক পূজা কৰি পানীত উটুৱাই দিব।
(৫) ঘৰত শুভ আৰু সজীৱ উদ্ভিদ ৰোপণ কৰক
সেউজীয়া গছ-গছনিয়ে ঘৰত ইতিবাচক শক্তি আৰু সজীৱতা বৃদ্ধি কৰে।
🟢 বাস্তুৰ প্ৰতিকাৰ:
• ঘৰত তুলসী গছ নিশ্চয় ৰোপণ কৰি নিয়মিতভাৱে পূজা কৰক।
• ধনৰ গছ, লাকী বাঁহ, সৰ্প গছক ( Snake Plant ) শুভ বুলি গণ্য কৰা হয়।
• শুকান বা মৰহি যোৱা গছবোৰ লগে লগে আঁতৰাই পেলাব লাগে।
(৬) ৰংবোৰ শুদ্ধকৈ বাছি লওক
আমাৰ মন আৰু আমাৰ ঘৰৰ পৰিৱেশত ৰঙে গভীৰ প্ৰভাৱ পেলায়।
🟢 বাস্তুৰ প্ৰতিকাৰ:
• নতুন বছৰত বগা, পাতল হালধীয়া, সেউজীয়া, বা ক্ৰীমৰ দৰে পোহৰ আৰু শান্ত কৰা ৰং গ্ৰহণ কৰক।
• শোৱা কোঠাত অতি গাঢ় বা ক’লা ৰং পৰিহাৰ কৰিব লাগে।
• পূজাস্থলীৰ বাবে হালধীয়া বা বগা ৰং শুভ।
(৭) পাকঘৰত অগ্নি উপাদানৰ ভাৰসাম্য ৰক্ষা কৰক
পাকঘৰে অগ্নি উপাদানক প্ৰতিনিধিত্ব কৰে। ইয়াত বাস্তু দোষে স্বাস্থ্য আৰু পাৰিবাৰিক বিসংগতি বৃদ্ধি কৰিব পাৰে।
🟢 বাস্তুৰ প্ৰতিকাৰ:
• গেছৰ বা জুইৰ চৌকাটো দক্ষিণ-পূব দিশত ৰাখক।
• ৰন্ধা-বঢ়া কৰাৰ সময়ত পূব দিশলৈ মুখ কৰক।
• লেতেৰা বাচন-বৰ্তন পাকঘৰত ৰাতি নাৰাখিব।
• পাকঘৰতো বন্তি এটা জ্বলাব লাগে।
• পাকঘৰৰ ঝাড়ু এপাত কিনি আনি পূজা কৰক আৰু ব্যৱহাৰ কৰি পাকঘৰ পশ্চিম দিশত সদায়েই বগৰাই ৰাখক।
(৮) শোৱা কোঠাত শুদ্ধ বাস্তু নিয়ম মানি চলিব
ভাল টোপনিয়ে জীৱনৰ মান উন্নত কৰে, গতিকে শোৱা কোঠাত শুদ্ধ বাস্তু অতি প্ৰয়োজনীয়।
🟢 বাস্তুৰ প্ৰতিকাৰ:
• শুই থকাৰ সময়ত মূৰটো দক্ষিণ বা পূব দিশলৈ মূৰ কৰি ৰাখিব লাগে।
• বিচনাৰ সন্মুখত আইনা নাৰাখিব।
• বিচনাৰ তলত জোটা বা গধুৰ বস্তু ৰাখিব নালাগে।
(৯) ধন-সম্পত্তি আৰু সমৃদ্ধি বৃদ্ধিৰ বাস্তু প্ৰতিকাৰ
নতুন বছৰে সকলোৰে বাবে আৰ্থিক প্ৰগতিৰ কামনা কঢ়িয়াই আনে।
🟢 বাস্তুৰ প্ৰতিকাৰ:
• উত্তৰ দিশত টকা বা ধন ৰাখক।
• ধন ৰখা বাকচ বা আলমাৰীটো উত্তৰ বা পূব দিশলৈ মুখ কৰি থব লাগে।
• উত্তৰ-পূব দিশত পানীৰ মৌল এটা (ফোয়াৰা বা একুৰিয়াম) ৰাখক।
(১০) নৱবৰ্ষৰ দিনা বিশেষ শুভ প্ৰতিকাৰ সম্পন্ন কৰক
নৱবৰ্ষৰ প্ৰথম দিনাই গোটেই বছৰৰ সংকল্প ল'ব।
🟢 বাস্তুৰ প্ৰতিকাৰ:
• ৰাতিপুৱা গা ধুই ঘৰত গংগা পানী ছটিয়াই দিব।
• ঘিউৰ চাকি জ্বলাই ভগৱানক পূজা কৰক।
• পৰিয়ালৰ সৈতে ইতিবাচক সংকল্প লওক।
নতুন বছৰটো কেৱল তাৰিখ সলনি নহয়, জীৱনক নতুন দিশ দিয়াৰ সুযোগ। যদি আমি আমাৰ ঘৰৰ পৰা অশুভ প্ৰভাৱ আঁতৰাবলৈ এই সহজ বাস্তু প্ৰতিকাৰ গ্ৰহণ কৰো তেন্তে সুখ, শান্তি, স্বাস্থ্য আৰু সমৃদ্ধি স্বয়ংক্ৰিয়ভাৱে বৃদ্ধি পাব। মনত ৰাখিব, পৰিষ্কাৰ ঘৰ, ইতিবাচক চিন্তা, আৰু সঠিক বাস্তুৰ ভাৰসাম্যই সুখী জীৱনৰ চাবিকাঠি।
নতুন বছৰে আপোনাৰ ঘৰলৈ সুখ, শান্তি, সমৃদ্ধি কঢ়িয়াই আনক তাৰেই কামনা কৰিলো।
